剛剛過去嘅冬天，成日長時間戴口罩😷，搞到面色枯黃暗啞、遇啱唔方便嘅日子更加蒼白冇血色😵今次介紹呢款《紅菜頭蕃茄雜菜湯》方便又簡單，可以衡氣活血，搵返久違左嘅紅粉菲菲的臉色😍
紅菜頭，被列入超級食物清單📝當中，有「歐洲靈芝」之稱。其天然色素源自甜菜紅素，能抗氧化、並有助吸收維他命E及抵抗自由基對細胞的破壞，延緩衰老；更有益氣補血🩸作用，100g紅菜頭所含嘅葉酸已足夠人體👫每日所需的50%。而葉酸是身體製造紅血球不可缺少的物質，當中的鐵質就可幫助維持良好的血液循環♻️，對補血🩸有很大功效。
材料：
紅菜頭1個/ 蕃茄🍅3個/ 紅蘿蔔🥕一個/洋蔥🧅1個/薯仔🥔1個/西芹2條/椰菜¼個/牛肉200克/月桂葉2塊
做法：
1. 將所有材料洗淨，紅菜頭、紅蘿蔔、洋蔥、薯仔去皮切粒。椰菜切塊、蕃茄切件、西芹去硬邊後切粒，牛肉切塊。
2. 煲滾一鍋1500 至2000毫升水，加入所有材料，水再滾後，轉中火煲1-1.5小時，加鹽調味即可。
*適用於面色欠紅潤的人士，也是營養豐富的合家歡湯水